سوداګر باید د افغانستان د مميزو، میوو، سبزیجاتو او طبیعي نباتاتود صادراتو پراختیا له ادارې څخه د واردونکو هیوادونو دالزاماتو په پام کې نیولو سره د فزیکي او کیمیاوي چیکونو وروسته د مختلفو تخریبیدونکو محصولاتو لپاره د کیفیت تصدیق پاڼه ترلاسه کړي.

سوداګر باید له واحدې ادارې اویا هم د افغانستان د سوداګرۍ اوپانګوني دخونې څخه سوداګریز انوایس ترلاسه کړي .ترڅو دوی وکولی شي د صادراتو په بازار کې له مناسب او تایئد شوي قیمت څخه ګټه پورته کړي

سوداګر باید له واحدې ادارې او یا هم د سوداګرۍ او پانګونې له اتاق څخه د مبدا تصدیقپاڼه ترلاسه کړي ترڅو خپل محصولات له افغانستان څخه صادر کړي.

سوداګر باید د نباتاتو د ساتنې او قرنطین ادارِې څخه د نباتي روغتیا ساتني تصدیقپاڼه ترلاسه کړي، چې دفترونه یې د هیواد په ټولو ګمرکونو کې موقعیت لري، دا تصدیقپاڼه سوداګرو ته ورکول کیږي ترڅوډاډ ترلاسه کړي چې کرهنیز او مالدارۍ محصولات د واردونکي هیواد د روغتیایی مقرراتو سره سمون لري

سوداګر باید د صادراتو لپاره د اړونده ګمرک له دفترونو څخه د خپلو محصولاتو ایستلو لپاره د خروجی پاڼه ترلاسه کړي.